३६ गुम्बाका प्रतिनिधिहरुको संयुक्त ध्यान आकृष्ट पत्र
1214 Views
ॐ आह हुङ बज्र पेमा शिद्दी हुङ ।।। “संयुक्त ध्यानाकृष्ट पत्र”
पत्रकार बन्धुहरू, बौद्धनाथ स्तुपा (झ्यारुङ खस्योर) पाँचौं शताब्दीमा निर्मित, विश्वसम्पदा सूचीमा सूचीकृत, विश्वभरका बौद्धमार्गी तथा मानव समुदायको आस्थाको केन्द्र साथै समस्त शान्तिप्रेमी मानव समुदायको एकमात्र आस्थाको धरोहर, भगवान बुद्ध र विश्वशान्तिको प्रतीक साथै सम्पूर्ण प्राणीहरूको इच्छा, आकांक्षा पूर्ण गर्ने एउटै मात्र त्रिरत्न, चिन्तामणिको रुपमा विश्वभरि चिनिन्छ । चौरासी लाख बुद्ध, बोधिसत्व र देव देवीहरूद्वारा समुद्घाटन पश्चात् आर्शिवाद प्राप्त गरिएपछि ज्योतिमा परिणत भई एकीकरण भएको पवित्र बौद्धनाथ स्तुपा सम्पूर्ण बौद्धमार्गीहरूको एकताको प्रतीकका साथै असीमित ज्ञान र करुणाको मुहान एवम् विश्व शान्तिको प्रतीक पनि हो ।
त्यसैले यस पवित्र बौद्धनाथ स्तुपा परिसरका साथै सम्पूर्ण धार्मिक क्षेत्रको संरक्षण, संवद्र्धन र प्रबर्धन गर्नु हामी शान्तिप्रिय समस्त बौद्धमार्गी, लामा भिक्षुहरू, सरोकारवाला संघ–संस्था, अनुयायीहरू साथै नेपाल सरकारको परम कर्तव्य हो । नेपाल राष्ट्रको सौर्यसम्पदा, यसको जाज्वल्यमान कृतिले संसारको ध्यान नेपालप्रति आकर्षित भइरहेको व्यहोरा विश्वमाझ सर्वबिदितै छ । तर यस पवित्र धार्मिक स्थल बौद्धस्तुपा क्षेत्रमा केही समयदेखि बौद्ध दर्शनलाई अनावश्यक बिवादमा मुछ्ने र लामागुरू, भिक्षुहरूलाई अनावश्यक लान्छाना लगाउने, अवान्छित क्रियाकलाप र गतिविधिहरू गर्ने कार्य केही उछृङ्खल व्यक्ति तथा समूहद्वारा हुनु आफैँमा बौद्ध दर्शन र धर्मप्र्रतिको घोर अपमान हो ।
विश्व शान्तिका अग्रदूत भगवान गौतम बुद्धको देश नेपालमा, विभिन्न धार्मिक क्षेत्रहरुमा अवान्छित र गलत तत्वहरुले विभिन्न समयमा बौद्धमार्गीहरुको आस्थामाथि विभिन्न बाहनामा प्रहार गरिरहेका छन् भने स्वयम् बौद्ध दर्शनलाई नै बदनाम गर्ने, दुस्प्रचार गर्ने, धार्मिक अनास्था फैलाउने कुचेष्टा भइरहेका छन् । यसैक्रममा केही समय अघिमात्रै भगवान गौतम बुद्धको पवित्र जन्मस्थल लुम्बिनीको भैरहवामा बुद्धको मूर्ति तोडफोड गर्ने जस्ता अमानवीय कार्य हुनु विश्वकै बौद्धमार्गीहरुका लागि दुखद घटना हो जसले बौद्धमार्गीहरुलाई गहिरो चोट पुगेको छ ।
अतः यी र यस्ता अवान्छनीय गतिविधिहरुले स्वदेशी तथा विदेशी भक्तजन र अनुयायीहरुलाई प्रत्यक्ष अप्रत्यक्ष असर पर्न गइरहेको छ भने नेपाल सरकारको राष्ट्रिय कार्यक्रम नेपाल भ्रमण वर्ष–२०२० लाई समेत प्रत्यक्ष प्रभावित पार्न सक्ने देखिन्छ । त्यसैले बौद्धस्तुपा र लुम्बिनी जस्ता विश्वकै शान्तिको मुहान, पवित्र धार्मिक स्थलमाथि भइरहेको अवान्छित क्रियाकलापले विश्वका सम्पूर्ण बौद्धमार्गी एवं शान्तिप्रेमी समुदायमाथि आघात पुगेको छ ।
त्यसैले यस विज्ञप्तिमार्फत् धार्मिक स्थल, परिसरमा कुनै पनि धर्ना, जुलुस, आन्दोलन लगायत अवान्छित गतिविधिलाई रोक्न र विश्व सम्पदा सूचीमा सूचीकृत विश्व शान्तिको प्रतिक बौद्ध स्तुपा क्षेत्र भित्र धर्ना, जुलुस, आन्दोलन निषेधित क्षेत्र घोषणा गर्न नेपाल सरकारसँग जोडदार माग समेत गर्दछौं । साथै, धार्मिक स्थलहरुमा हुने सबैखाले अपराधिक गतिविधिहरु तुरुन्त बन्द गरियोस् भनी हामी तपसिलमा उल्लेखित संघ संस्थाहरुको ऐक्यवद्धता रहेको छ ।
संघ÷संस्थाहरु
१. तामाङ फाउण्डेशन नेपाल : अध्यक्ष – अरुण घिसिङ
२. चौतरा निङ्मा गुम्बा तथा अध्यान केन्द्र : अध्यक्ष – दान बहादुर लोप्चन तामाङ
३. बुद्धिष्ट जनसेवा फाउण्डेशन नेपाल : अध्यक्ष – शनी माया लामा तामाङ
४. मैत्री बौद्ध युवा समाज : अध्यक्ष – हरिश गोले तामाङ
५. हुम्ला समाज कल्याण : अध्यक्ष – नाङमाङ तामाङ
६. ह्याङ्ला ह्युल्सा गुम्बा : अध्यक्ष – निरज गोले
७. बौद्ध दर्शन अध्ययन अध्यापन केन्द्र : अध्यक्ष – निर बहादुर घलान
८. टासी झ्याङछ्युक छोइलिङ गुम्बा : अध्यक्ष – साङ्गे दोर्जे सिङ्तान तामाङ
९. केवालुङ गुम्बा घ्याङ गुठी : सदस्य सचिव – जेन्देन दोर्जे लामा
१०. ग्यावा तामाङ उत्थान संघ : अध्यक्ष – बाबुराम ग्यावा तामाङ
११. तामाङ राष्ट्रिय पत्रकार संघ : अध्यक्ष – प्रतीक लामा
१२. युङ्गडुङ फुङ्ग थोङलिङ गुम्बा : सदस्य – नन्द बहादुर गौचन
१३. स्यार्जोङ गुम्बा गोकुल गंगा गुठी : अध्यक्ष – लाल बहादुर रुम्बा
१४. तर्त छोइलिङ छहारे घ्याङ गुठी : अध्यक्ष – ओम्पु लामा
१५. फयुल हिमालय फेन्डेप घेकुल म्हानी छोक्पा : प्रमुख लामा – ओम्पु लामा
१६. छोइलिङ निङ्मा गुम्बा : अध्यक्ष – राजकुमार घिसिङ
१७. लाखाङ फ्याफुल्ला गुम्बा : अध्यक्ष -खड्ग बहादुर वाईवा
१८. बौद्ध जागरण केन्द्र : अध्यक्ष – काहिँला लामा
१९. टासी छोइलिङ गुम्बा : प्रमुख लामा – पाल्साङ लामा
२०. उर्गेन छोइलिङ गुम्बा : प्रमुख लामा – प्यारीलाल वाईवा
२१. शेराप होइसेर्लिङ गुम्बा : अध्यक्ष – गणेश लामा
२२. थर्पलिङ गुम्बा : अध्यक्ष – समशेर लामा
२३. झ्याङतेर छोइलिङ गुम्बा : अध्यक्ष – गुणबहादुर तामाङ
२४. महाभारत बौद्ध गुम्बा : अध्यक्ष – डोरबहादुर वाईवा
२५. टासी म्हेदोक गुम्बा : अध्यक्ष – क्याटोल लामा
२६. टासी छोइलिङ गुम्बा : प्रमुख लामा – टुल्कु लामा
२७. टासी साङलिङ गुम्बा : अध्यक्ष – गोरख्मान लामा
२८. उर्गेन टासी छोइलिङ गुम्बा : अध्यक्ष – सानु मोक्तान
२९. टासी धेछेन स्कुल गुम्बा : अध्यक्ष – सोनाम स्याङ्तान
३०. टासी छोइलिङ गुम्बा : अध्यक्ष -छिरिङ लामा
३१. पेमा धेछेन गुम्बा : अध्यक्ष -पदम बहादुर लामा
३२. उर्गेन छोइफेर गुम्बा : अध्यक्ष, छत्र बहादुर लो लामा
३३. कग्युर थेक्छ्यान छोइखोरलिङ गुम्बा : अध्यक्ष-बुम्साङ र्दोजे लामा
३४. बौद्ध बुदिष्ट थाङ्का उद्योग : अध्यक्ष, मिञ्चु योन्जन लामा
३५. पेमा साङलिङ गुम्बा : अध्यक्ष-छेवाङ लामा
३६. न्यू बुदिष्ट फाउण्डेशन: सचिव – दावा तामाङ सल्लाहकार, शेर ब. वाईबा तामाङ
यो पनि हेर्नुहोस
चर्चीत समाचारहरु
ताजा अपडेट
प्रतिक्रिया दिनुहोस